Paradwys y seiclydd yw Sir Benfro, gyda lonydd gwledig tawel, llwybrau coedwig
a llwybrau di-draffig i bawb eu joio.
Gyda’r rhestr hon fe gewch help i ddod o hyd i’r wybodaeth y mae
arnoch ei hangen er mwyn ichi fynd i gefn gwlad. Mae rhagor o wybodaeth
fanwl i’w chael yn:
www.cyclepembrokeshire.com (mewn ffenest newedd)
Mae un neu ddau o fapiau seiclo ar-lein newydd yn cael eu datblygu i helpu
teuluoedd i fynd i weld Sir Benfro ar gefn beic.
Bydd y mapiau i’w cael
ar-lein yn y Gwanwyn yn:
www.cyclepembrokeshire.com (mewn ffenest newedd)
Dewch i weld y cefn gwlad ar stepen eich drws drwy gyfres o deithiau beicio
o’r trefi newydd: Ceinewydd, Abergwaun, Tyddewi, Hwlffordd, Aberdaugleddau,
Penfro, Dinbych y Pysgod a Saundersfoot. Gallwch lwytho map, disgrifiad o’r
daith a llun heddiw.
www.cyclepembrokeshire.com (mewn ffenest newedd)
Taith ar Gefn Beic – Y Llwybr Celtaidd
Ar gyfer y seiclwyr brwd mae gyda ni ‘Y Llwybr Celtaidd’, sef
Llwybr 4 & 47 y Rhwydwaith Seiclo Cenedlaethol. Mae’r llwybr hwn
yn dechrau wrth Bont Hafren ac yn ymdroelli am 200 milltir ar draws De Cymru,
cyn dod i ben yn Abergwaun.
Mae’r rhan fwyaf o’r Llwybr Celtaidd yn Sir Benfro yn mynd ar
hyd lonydd gwledig tawel, a thrwy Saundersfoot, Dinbych-y-pysgod, Penfro, Hwlffordd,
Tyddewi, Abergwaun Crymych a Threfdraeth. Gyda’r llwybr hwn fe gewch
chi ddiwrnod bendigedig yn seiclo yn Sir Benfro.
www.cyclepembrokeshire.com (mewn ffenest newedd)
www.greenwaysholidays.com (mewn ffenest newedd)
www.sustrans.org.uk (mewn ffenest newedd)
Gwyliau Seiclo
Mae Saundersfoot a Threfdraeth wedi cael eu dynodi yn ‘ganolfannau seiclo’ yn
Sir Benfro ac mae dau becyn seiclo newydd sydd â manylion reidiau undydd.
Yn
y pecynnau mae mapiau â llwybrau teithio manwl, y llwybrau sy’n
addas i’r teulu i gyd, gwybodaeth am yr ardal, atyniadau ar bwys y llwybrau
a mannau aros sy’n gydnaws â seiclwyr.
www.cyclepembrokeshire.com (mewn ffenest newedd)
www.greenwaysholidays.com (mewn ffenest newedd)
