CLUDIANT CYHOEDDUS: Y BWS neu’r TRÊN

Mae gyda Sir Benfro rwydwaith gwych o fysiau a gwasanaeth trên defnyddiol hefyd sy’n eich cludo trwy gefn gwlad, trefi a phentrefi godidog.
Mae cyrraedd cefn gwlad Sir Benfro, ar y trên neu’r bws hirdaith, yn fater rhydd iawn.  Ac mae teithio o amgylch yr ardal wedyn yn rhwyddach fyth!

Darllenwch i lawr y dudalen, ac yna pan welwch chi’r cludiant sy’n addas ar eich cyfer cliciwch ar y ddolen er mwyn cael gwybodaeth fanwl:

 

Defnyddio Cludiant Cyhoeddus i ddod i Sir Benfro

I gael gwybodaeth ynghylch sut i ddefnyddio cludiant cyhoeddus i ddod i Sir Benfro, edrychwch ar y ddolen ganlynol er mwyn cael gwybodaeth am drenau, bysiau pleser a fferis.
www.traveline-cymru. org.uk (mewn ffenest newedd) 

Gwasanaethau Bws yn Sir Benfro

Mae gyda Sir Benfro rwydwaith gwych o fysiau, gyda gwasanaethau’n mynd i bob prif dref chwe diwrnod yr wythnos.  Mae teithio ar y bws er mwyn mynd i’r mannau gwledig mwy poblogaidd yn rhwydd dros ben, ond mae rhai mannau gwledig yn cael gwasanaethau bws yn llai aml neu’n cael cludiant cymunedol i fodloni eu hanghenion.  Er mwyn gweld pa mor bell y gallwch chi fynd ar y bws, edrychwch ar y map cludiant a’r amserlenni!
www.pembrokeshire.gov.uk/bustimetables (mewn ffenest newedd)

‘Y Pâl Gwibio’ – Bysiau Arfordirol Sir Benfro ar gyfer Cerddwyr

Bysiau Arfordirol Sir Benfro – gwasanaethau bws lleol sy’n teithio ar hyd yr arfordir er mwyn eich helpu i fynd at deithiau cerdded, traethau, teithiau cychod, pentrefi ac atyniadau lleol.

Bydd y bysiau hyn yn teithio lan a lawr arfordir y Parc Cenedlaethol, gan ddarparu cludiant cyhoeddus sy’n golygu bod pob cam o Lwybr Cenedlaethol llwybr Arfordir Sir Benfro sy’n ymestyn am 186 milltir (299km) o Landudoch i Lanrhath, o fewn cyrraedd ichi.  Felly, gallwch gerdded ar hyd llwybr yr arfordir mewn un cyfeiriad heb orfod dod yn ôl yr un ffordd.
www.pembrokeshire.gov.uk/coastbus (mewn ffenest newedd)

 

 

 

Bws i Gerddwyr y Preseli

Bws cymunedol yw ‘Draig Werdd y Preseli’ sy’n mynd â cherddwyr at y Preseli, sef ardal fwy pellennig o’r Parc Cenedlaethol.  Mae’r bws cymunedol yma hefyd yn helpu pobl leol i fynd i’r dref - cyfuniad perffaith.
Bydd y gwasanaeth hwn yn gweithredu ar ddyddiau Mawrth, Sadwrn ac ambell ddydd Sul trwy gydol yr haf (rhwng mis Mai - Medi).
www.prta.co.uk (mewn ffenest newedd)

Bws Atyniadau i Ymwelwyr Undydd – Dinbych-y-pysgod

Yn yr haf bydd y bws atyniadau i ‘Ymwelwyr Undydd’ yn galluogi ymwelwyr undydd i fynd at 11 o atyniadau o ardal Dinbych-y-pysgod/Saundersfoot - heb orfod defnyddio’r car.  Mae’r Ymwelydd Undydd yn fargen wych - dim ond £6 i deulu o bedwar ac mae’r holl atyniadau sy’n rhan o’r cynllun yn cynnig disgowntiau bendigedig i ddefnyddwyr y bws.
www.visitpembrokeshire.com/daytripper (mewn ffenest newedd)

NEWYDD! Bws Bloomfield i Gerddwyr - Arberth

Taflen Bws Bloomfield

Trenau yn Sir Benfro

Gyda’r gwasanaeth trên yn Sir Benfro mae’n rhwydd teithio i’r sir ac mae’n ddolen gyswllt fuddiol rhwng y trefi a’r ardal wledig o amgylch.  Mae Lonydd Glas wedi datblygu teithiau cerdded o bob gorsaf reilffordd – felly mae gyda chi ragor o resymau da dros fynd ar drên!
www.pembrokeshire.gov.uk/trains (mewn ffenest newedd)
www.nationalrail.co.uk (mewn ffenest newedd)
www.prta.org.uk (mewn ffenest newedd)